मार्गदर्शक का हवा???
Why You Should Hire Business Coach / Mentor ???

​

आपल्याला माहिती-ज्ञान देणारे मदतीचे स्त्रोत अनेक असतात. जसे की, आपले मित्र आणि कुटुंबिय, गुगल, छापील साहित्य, विविध क्षेत्रातील तज्ञ, व्यवसाय-सॉफ्ट स्किल्स कार्यशाळा प्रशिक्षक आणि ओळखीचे व्यावसायिक मित्र. या सर्व माध्यमातून आपण स्वत:ला सतत अपडेट आणि अपग्रेड करत असतो. उद्योग जगतातील घडामोडींविषयी आणि संधींविषयी सतत माहिती घेत असतो. हे सर्व स्त्रोत आपल्याला भविष्यात येऊ शकणाऱ्या अडचणींविषयी, गरजांविषयी आपल्याला नेहमीच सल्ले देतात. सक्सेस टिप्स देत असतात.

मात्र हे नियमितपणे आणि सलग होत नाही. जेंव्हा आणि जसं शक्य होईल तसं आपण हे ज्ञान घेत असतो. त्यामुळे तिथे कुठेही शिस्त राहात नाही आणि परिणामी त्याचा उपयोग शून्य होतो.  

मात्र, केवळ एक सर्वगुणसंपन्न व्यवसायिक मार्गदर्शकच (Business Coach / Mentor) सर्व बाजूंनी विचार करून प्रसंगी स्वत: अभ्यास करून किंवा आपल्या ज्ञान आणि अनुभवाच्या आधारे वेळोवेळी आपल्याला शहाणपणाचा बहुमूल्य आणि परिणामकारक सल्ला देतात.

हे मार्गदर्शक आपल्याला केवळ सल्लाच देतात असे नाही तर असा सक्रिय मार्ग दाखवतात. व्यूहरचना सुचवतात जेणेकरून आपल्या व्यवसायाच्या वाढीवर थेट आणि सकारात्मक प्रभाव पडतो.